Werni y la storia dla TIERA

LAURUN DEBORIADA

Liber ilustrà - liber ilustré
Werni y la storia dla TIERA - Werni y la storia dla TERA

 

Ladin Gherdëina + Val Badia

Werni, l pitl ierm dala plueia, viv y lëura sun n mudl dal cumpost. N bel di vàl a crì si anda, che viv ënghe sun n mudl dal cumpost sun l ëur dla zità. Do n viac lonch cun truepa mprescions vëijel finalmënter ch’sta si anda che l ne recunësc belau nia plu: grossa, plëina de pedins y furnida su cun culëures svaiënc stala penduda sun n mudl de refudam y de avanzadures de maiadives melsanes. Cun marueia ti cëlel a duta ch’la cosses per ël fulestieres: sachetli de nylon, restli de cërn, dëuciaries y d’uni sort d’autra roba. Pervia dl bunder mëtel man de maië dut chël che l abina nchin che l giapa n gran mel de vënter y l ne ie nia plu bon de se muever. Te chësc mumënt cunëscel Fernando, l ierm dala plueia spanuel, a chël che Werni ti conta cun ncresciadum de si mudl dal cumpost.
De coche dut va ora bën ala fin possen liejer tl liber per gherdëina, badiot, talian y tudësch.
Dlongia l liber ilustrà iel unì metù adum n cudejel d’acumpaniamënt per genitores y educadëures sun la tematica dl’alimentazion y dla scunanza dl tlima y 5 ativiteies didatiches per l personal pedagogich dla scolines.

 

Werni é n romun dala plöia che vir sön n müdl de compost y ó jí a fá n iade a ciafé süa mëda. Al cuca fora de tera y vëgn tut impara da n corf te sües grifes. Do n bel jore le lascel tomé sön n gran müdl de compost dlungia na cité. Dailó incuntel süa mëda, ince n romun dala plöia, grana, grossa y da n gröm de corusc, tan che Werni ne l’ess feter nia plü conesciüda.
Le müdl de compost de süa mëda ti sá a Werni n pü’ feter: n gröm de d’atres saus, plastica y cosses nia conesciüdes. Werni cercia döt y se mangia ite cina che al á n dër me de vënter. Te chël toma fora de nia na piriera dal cil cun Fernando che vëgn dala Spagna.
La sorücia, na compagna de Werni, l’acompagnëia ala fin derevers sön so müdl de compost. Werni se dá cunt, tan important che al é da mangé sann, lascian demez les cosses malsanes y da ciaré da olache le mangé vëgn.
Sciöche döt vá inultima fora bun, pón lí tl liber por gherdëna, badiot, talian y todësch.
Cun la publicaziun dl liber ilustré él ince gnü fora n sföi d’acompagnamënt por i geniturs y les educadësses cun informaziuns sön le mangé sann y sön la sostenibilité climatica y 5 ativités didatiches por le personal pedagogich dles scolines.

 

Cuntać