UNITEIES DIDATICHES

UNITÊS

"UNITEIES DIDATICHES"
MATERIAI DE NSENIAMËNT PER LA DIDATICA LINGUISTICA NTEGREDA

Te chisc ultimi ani iel te truepa tlasses dla scoles elementeres ladines unì nsenià per n’ëura al’ena aldò dla didatica linguistica ntegreda. Chësc ne n’ie per nosta scoles dessegur no vel’ de cumpletamënter nuef. L’esperienza y l bujën ova bele dant purtà trueps de nosc nsenianc a jì chëla streda.
Da n valgun ani incà ti vëniel pità ai nsenianc la puscibltà de l fé te na maniera plu scientifica y regulera, se nuzan de uniteies didatiches lauredes ora cun l aiut de nseniantes y studëntes dl’ Università de Porsenon, sota la cunsulënza dl prof. Cathomas.

Nseniantes dla scoles elementeres, studëntes dla facultà de Scienzes dla furmazion dla Università de Bulsan/Persenon y la grupa de lëur dl IPL à perchël laurà ora uniteies didatiches per la linguistica ntegreda. Acioche chëstes tënie dutes cont de criters scientifich/didatics valifs vënieles revijionedes y adatedes aldò da persones espertes te chësc ciamp. Canche chësc lëur sarà stlut ju unirales stampedes y pona metudes a despusizion di nsenianc.

Ciunes ie pa la rejons per l nseniamënt dla DLN?
L ie mpurtant che nsenianc y sculeies se rënde cont dla mpurtanza pedagogica de chësta maniera de lauré, ajache la permët:

* de cunfrunté rujenedes danter ëiles
* de se rënder cont de cieche sistems linguistics deferënc à deberieda
* de recunëscer deferënzes danter ciamps linguistics spezifics
* de se nuzé de cumpetënzes davaniedes te una na rujeneda per l mparé de n’autra rujeneda
* de scemplifiché l passé da una na rujeneda al’autra
* de pierder la tëma dal plurilinguism o da rujenedes nueves
* de purté inant la nterculturalità
* de fé n puent de viers dl Portfolio Europeich dla Rujenedes

Da desciarié jö