Pronomen

"Lingac a confront"
DETERMINANTEN UND PRONOMEN

Do che l ie unì publicà d’autonn dl 2008 l prim liber cun l titul "Das Verb" dajerà ora l Istitut Pedagogich bonamënter mo chëst’ann d’autonn l segondo liber de chësta lingia dal titul "Determinanten und Pronomen". Mo d’autri libri ie prugramei y n pert bele laurei ora sciche "Das Substantiv", "Das Adjektiv", "Das Adverb", "Die Präpositionen", "Die Satzglieder" y "Die Gliedsätze".

Pra chësc proiet cëlun de cunfrunté la gramatiches dla rujenedes che vën nseniedes tla scoles ladines de Südtirol: l tudësch, l talian y l ladin tla doi verscions gherdëina y badiot. L fin ie chël de ti pité ai nsenianc de rujeneda n aiut te si nseniamënt dla rujenedes che dëssa for plu y plu se urienté de viers de na didatica ntegreda dla rujenedes.

Ma chësta gramatica ie nce penseda per duc chëi che à nteres per la rujenedes n generel y spezialmënter per la rujenedes dl Südtirol. Iusta paradlan la rujenedes danter ëiles ruvun pra na cunescënza plu sota de chëla rujenedes. Dant al dut dëssla vester n aiut per duc chëi che vëij ite l debujën de ne nsenië la rujenedes nia plu despartides una da l’autra, ma dles paradlé uns cun l’autra udan cie che ie de medemo te duta la rujenedes y ulache l ie la defrënzies. A chësta maniera mpera nce i sculeies da pitli insù a pensé do de plu sun la rujenedes y a pratiché n pue de metalinguistica.

 

Catalog di libri