Scimì

"por les scores elementares ladines"
„SCIMÌ“ à giapà n cialé ora nuef

„Impariamo l’italiano con Scimì“ ie n mesun per nsenië l talian tla 2° tlas dla scola elementera, che fova unit ora l ann 2004. Leprò tucovel n liber y sies cudejiei sun tematiches desvalives.  L liber nstës fova partì su te trëi pertes: una na pert cun cin uniteies didatiches sun tematiches desvalives, na cun na abineda de letures y una cun regules y i eserzizes de grafia.
Pervia che l liber nstëss fova bendebò pesoch y ne univa suvënz nia adurvá te duta si pertes, ons pensà de ti unì ancotra ai sculeies y ai nsenianc, ti dajan n cialé ora nuef.
On spartì su l liber te 7 cudejiei che, adum cun la uniteies liedies da dant, ie unii metui te na mapa, a na maniera che uni nseniant posse se crì ora l argumënt che l uel tò tres, ti dajan ai sculeies for mé chël cudejel. Nscila ne muessa i sculeies nia for se purté a cësa l liber pesoch ma mé un n cudejel al iede, y chëi che ne vën nia adurvei resta te scola per l ann do.

Speron che lauré limpea feje plajëi sibe ai nsenianc che ai sculeies.

 

Cuntać