Le Ciamp Inovazion y consulënza se tol sëura chisc lëures

Le Ciamp Inovazion y consulënza (ex IPL) se tol sëura dant al dut de ti judé ala scoles canche l se trata de purté ite zeche de nuef y canche l se trata de miuré l lëur che vën fat te scola:

  • Nrescides che vën fates tl ciamp pedagogich, didatich y organisatif ti dajan ala scoles l aiut che va debujën o les fajan nstëss
  • Sperimentazions acumpaniedes da esperc da oradeca, sce la va de bujën
  • L svilup de curicula sun ncëria dla Jonta provinziela y l’implementazion de chisc tla scola
  • La realisazion y la stampa de libri de scola per la singula tlasses y i singuli idioms de valeda
  • La realisazion de uni sort de material didatich che dëssa ti judé ai maestri te si lëur da uni di
  • L svilup de n cunzet per la formazion che dëssa se urienté aldò di bujëns, organisazion de cursc y consulënza ala scoles y scolines tl ciamp dl ajurnamënt
  • Documentazion y publicazion de resultac ti ciamps dla nrescides, sperimentazions y dl ajurnamënt
  • Judé la scoles can che la se trata de mëter ndrova reformes
  • Cunsie la scoles te proiec inovatives y te si plan generel tlamà POF
  • Cunsie y judé la scoles tl lëur de evaluazion de si atività

    Daviadechël se muev l lëur dl Ciamp Inovazion y consulënza te doi gran direzions: una va tla direzion dla nrescides,sperimentazions y svilup dl sistem scolastich y l’autra va tla direzion de n sevisc ala scoles y scolines dla valedes ladines. Pra chësta ativiteies cëla l Ciamp de lauré adum cun duc chëi che à da nfé cun la scola: l’aministrazion provinziela, l’intendënza, duta la scoles y scolines