Economia y Sozieté

LAURUN DEBORIADA

Material per l nseniamënt dl ladin tla scora alta
ECONOMIA Y SOZIETÉ

 

Unità »Economia y Sozieté«
de Luciana Palla

Cun chësc material didatich orunse imparè a conësce la storia dl’economia y dla sozieté tles valades ladines dal 1850 ćina ala pröma vera dl monn.
Fora dl’economia da paur tradizionala ciafa l’artejanat y le turism tres plü y plü importanza. Vigni valada ladina à n pü’ n’ater svilup. Te Gherdëna ê le comerz de patüc ziplé bele dër vì. Fodom sciacarâ de lignan y Fascia de bestiam cun le Venet. Tles Dolomites röiel adalerch i amanć dl jì a crëps y al nasc les lies da munt, locales, austriaches y todësces.

Per la elaborazion de chisc materiai ie unida nciarieda una dla plu cunesciuda storiches ladines, Luciana Palla de Fedom.
Ëila à njenià ca de plu uniteies didatiches cun na pert de spligazion storica y na pert de documentazion cun tesć originei. Te chësta lingia de materiai ti vëniel jit do al destin dla populazion ladina dal Otcënt nchina al didancuei.

Chësta prima edizion se dà ju cun l artejanat, l ambient da paur, l alpinism y l turism dantaldut ti ani danter l Otcënt y l Nuefcënt. L vën nscì descrit l cheder de na populazion che criva si streda sfadiëusa danter na economia de sëuravivënza scialdi dala stënta y l bënsté tres l artejanat y l turism. Tl medemo tëmp vëniel purtà dant l crëscer dla identità ladina y di raporc danter la valedes y l mond ntëur via.
L sfuei „Economia y sozietà tla valedes ladines dal 1850 nchina ala Prima Gran Viera“ vën spartì ora ala scoles tla verscions per gherdëina y per badiot.
La traduzion tl badiot ie unida fata da Erna Flöss y Ulrike Vittur, chëla tl gherdëina da Ingrid Runggaldier. L letorat ie unì garantì da Erna Flöss, Claudia Rubatscher y Ingrid Runggaldier. La grafica y l layout ie de Anita Demetz. Stampeda ie unida la unità de lëur dala stamparia dla Provinzia Autonoma de Bulsan.

„Cun chësc material ulons fé n auter var de viers dla modernisazion dl nseniamënt dl ladin tla scola auta, tl sëni dla cualità didatica che dëssa seguré la pusizion de chësta materia ala pèr de duta l’autres“, cumentea l Ntendënt dr. Roland Verra.

Informaziuns pro:erna.floess@provinz.bz.it

 

 

Cuntać