Analisa linguistica

dr. Sara Bassot

"Servisc per l'evaluaziun dla scoles di luesc ladins"

Prejentazion de n pitl liber te trëi lingac cun i resultac cumplessifs dl’analisa linguistica, che ie unida fata tla cuinta tlasses dl ITE „Raetia“ de Urtijëi y de La Ila y per fé n cunfront ënghe te doi cuinta tlasses dl ITE „Battisti“ y dl ITE „Kunter“ de Bulsan.

video von stol.it

La cunferënza stampa an tenì a Bulsan, n juebia, ai 26 de jené 2012 dala 10 danmesdì tl self dla cunferënzes stampa, tl “Palais Widmann”, che ie tla streda Crispi 3. 

Do la paroles de salut da pert dl Presidënt dl Cumité per l’evaluazion dla scoles de Gherdëina y dla Val Badia dr. Lois Ellecosta à l Ntendënt dr. Roland Verra purtà i saluc dl Assessëur dr. Florian Mussner, jan ite plu sot sun la mpurtanza de na tel analisa sun l plurilinguism. La pruf.a dr.a Rita Franceschini, diretëura dl Zënter Cumpetënza Lingac dl’Università Liedia de Bulsan y l dr. Pasquale Della Rosa, à dopro prejentà n ressumé di resultac cumplessifs.

La publicazion, che ie unida a s’l dé tres na bona culaburazion danter l Servisc cun si Cumité per l’evaluazion dla scoles ladines (BZ), l Zënter Cumpetënza Lingac dl’Università Liedia de Bulsan, l’Università Vita-Salute San Raffaele de Milan, l’Università de Turic y l Ex-Istitut Pedagogich Ladin, possen jì a se tò debant tla sënta dl Cumité cun si Servisc per l’evaluazion, che ie a Bulsan tla streda Pinter 29.

 

Nfurmazons