Analisa linguistica

dr. Sara Bassot

"Servisc per l'evaluaziun dla scoles di luesc ladins"
Resultac dl'analisa linguistica - 5a tlasses scoles elementeres

Dër gonot s’à damané i Ladins enstësc: Tan de todësch y tan de talian sa pa podërt I scolars ladins dai livei desvalîs d’istruziun? Èl na desvalianza danter ëi y sü compagns dla scora todëscia y taliana, y tan grana è pa cösta? Ci lingaz conësc pa i stüdënc ladins le miù: talian, todësch o ladin? Y les respognes ea gonot les plü desvalies.
Tai ultims tomps à orü le Comité de Valütaziun dles Scores ladines ti jì a funz ala damana envienn ia na enrescida danter i scolars ladins enstësc: empröma danter chi dla V. tlassa dla Scora elementara (2009), dedô passarân ala II. tlassa dla Scora mesana (2010) y spo, te na terza fasa, gnaràl tut ca l’ultima tlassa dla Scora alta. An orea odëi co che la cossa se sta en realté.
Con la supervijiun dal Zënter de Educaziun linguala dl’Université Lëdia da Balsan con a cé la prof. dr.a Rita Franceschini y la colauraziun dla prof. dr.a Jessica De Angelis à l’Ufize por la Valütaziun dles Scores ladines, con söa coordinadëssa dr.a Rosmarie Mussner y la colauradëssa dr.a Erica Pedevilla, trat tres na enrescida sön la competënza linguistica globala (ladin, talian y todësch) dai scolars ladins de dötes les Scores elementares (ultima tlassa) de Badia y de Gherdëna.
Por podëi ince paredlé i scolars ladins con chi dles atres scores dla Provinzia èl gnü trat ete tla enrescida ince valgünes tlasses dla Scora todëscia y taliana.
I resultac è sën danman, adöm con l’enterpretaziun cualificada dal Zenter lingual universitar, y ai vën sën lascês alesëi ala jont, ch’ara poi emparé a conësce miù y a aprijé deplü le valur dla scora plurilinguala dai Ladins.
Dër en bel iolan a düc chi co à daidé prò che le laur ais podü gnì envié ia y che la pröma fasa ais belo podü gnì slüta jö.

Le presidënt dal Comité de Valütaziun dles Scores ladines da Balsan
Dr. Lois Ellecosta

Nfurmazons