Analisa linguistica

dr. Sara Bassot

"Servisc per l'evaluaziun dla scoles di luesc ladins"
Resultac dl'analisa linguistica - 3a tlasses scoles mesanes

N vënderdi, ai 12 de nuvëmber 2010 dala 14,30 tl’Università de Persenon, tl self 1.14, iel unit prejentà n pitl liber te trëi lingac cun i resultac cumplessifs dl’analisa linguistica 2010.  La publicazion ie unida a s’l dé tres na bona culaburazion danter l Servisc cun si Cumité per l’evaluazion dla scoles ladines, l Zënter Cumpetënza Lingac dl’Università Liedia de Bulsan, l Istitut Pedagogich Ladin y l Istitut Ladin “Micurà de Rü”.

Ntan l ann de scola 2009/2010 an analisà i temesc di ejams de Stat dla terza tlasses dla scoles mesanes de Gherdëina y dla Val Badia, dla scola mesana tudëscia de Tluses y de chëla taliana „Dante Alighieri“ de Bulsan.

Do la paroles de salut dl Presidënt dl Cumité per l’evaluazion dla scoles de Gherdëina y dla Val Badia dr. Lois Ellecosta, ie l Ntendënt dr. Roland Verra jit ite plu sot tl argumënt dl pluriliguism.
Dopro à la pruf.a dr.a Rita Franceschini, diretëura dl Zënter Cumpetënza Lingac dl’Università Liedia de Bulsan y l dr. Pasquale Della Rosa, che lëura tl’Università Vita-Salute San Raffaele de Milan, purtà dant n ressumé di resultac cumplessifs arjonc.

Ala fin à l dr. Manfred Gross (Scola Auta de Pedagogia dal Grischun) fat n ressumé sun l lëur dla nrescida nvieda via te n valguna scoles elementeres di Grijons (CH).

 

 

Nfurmazons