CD CANZONI

METGEO

CD: ćianties popolares talianes
CANZONI CANZONCINE FILASTROCCHE

 

CD’s didatics

 

CD canzoni, canzoncine, filastrocche - presentaziun
»I mituns y les mitans che ćianta é sciöche i ciüfs te so plü bel florì.«
I mituns y les mitans sënt na gran ligrëza tl aldì sonns y melodies. Ai é coriusc da i porvè fora, inće cun so corp.  Porchël fej la musiga y le ritm pert dai elemënć prinzipai de nosc laûr pedagogich. »Le ćiantè imparon tres le ćiantè y l’amur por le ćiantè se svilupëia cun le ćiantè, spezialmënter sce fat en compagnia«, dij l’intendënt scolastich ladin Roland Verra.


Insegnantes y insegnanć che ô ćiantè cun i mituns adora inće les ćianties aladô. Bele tl 1992 à le maester Otto Dellago chirit fora plü de 100 ćianties popolares talianes. Le liber é gnü spo elaborè danü tl 2008 dal Istitut Pedagogich Ladin (śëgn Inovaziun y Consulënza) y valorisé cun dessëgns, notes y acorć. Da plü perts él gnü spo la domanda da tó sö les melodies ćiantades sön CD.

Le maester Paul Senoner à insciö surantut le laûr da arjigné ca les ćianties, al à insigné ite Elena Cortoni, Alex Designori y Giacomo Talarico dl »Cor di Mutons de Sëlva«, por spo tó sö les ćianties cun l’aiüt de Benni Valentin dl Davide Records.

Les ćianties po gni tutes ca dô tematiches ia por l’ann de scora, dô les sajuns, le mudamënt dl tëmp y les festes ia por l’ann. Insciö él gnü ćiarè a ćianties religioses, de fantasia, da rì, sura i tiers y ćianties de compagnia.

Les ćianties é ćiantades a öna na usc, dô les notes, te n ritm moderà, tla tonalité ideala por i mituns y les mitans, tl respet di dialeć y acompagnades da n stromënt musical.
Por impò restel tröpa lerch por arichì, cun fantasia, vigni ćiantia, p.e. meton laprò movimënć o na secunda usc, plü stromënć de acompagnamënt, de percusciun o baratan jö danter solist y cor. Val’ atra ćiantia po gnì ćiantada n tonn sura l’original y e.e.

Le proiet é gnü coordiné da Felix Ploner.

Chisc dui CDs y le liber »Canzoni, canzoncine e filastrocche«, por mituns y mitans danter 0 y 10 agn y dantadöt por le laûr te scolina y tla scora elementara, va a arichì i mesi didatics dà fora dla Inovaziun y Consulënza.
Contatti